contoh sajak

AMPUN GUSTI

Nun gusti nu maha asih

Mundut widi abdi seja susuci

Sumujud nundung laku lampah

Sumerah salaksa bayan

Dina amparan sajadah

Panggugah hidayah

Ka anjeun masrahkeun diri

Nyanggakeun nampi tobatna abdi

Detik ieu seja ngubur tapak diri

Nu tos hilap ka temah wadi

Nu teu tumut kanu Agung

Ampun . . . Gusti . . .

Unggal poe unggal lengkah

Nataan tanggal dina kalender

Angger aya anu di arep-arep

Ari umur melesat henteu kajeung

Dina beja dina carita

Warna-warni kajadian teu kapireng

Da puguh katalimbeng rusiah

Dina sakedak cimata

Aya kasedih

Nu teu kedal

Dina kongkolah kahirupan

Aya nu miang teu mulang deui

BULAN NGALIMBA

Sanajan bulan tumunggal

Caangna mah bati nu hegar

Bangun nu teu ngemu tunggara

Sanajan bulan nyorangan

Teu risi ngambah sagara peuting

Nganti bentang nu baris marengan

Nganteur nyorang simpena peuting

Nepi ka balebat nyampeur

Nyinglarkeun kahieum ati

Antara bandung madiun